Hopp til hovudinnhald Hopp til søk Hopp til bunntekst
  • Generelt

    Helsestasjonen for barn følgjer barnet frå fødsel til skulealder. På helsestasjonen får du
    • Svangerskaps- og barselomsorg, blant anna tilbod om heimegjesting etter fødsel. Helsestasjonen vil også gi råd eller tilby kurs om foreldrerolla og om samliv. Du kan få prevensjonsrettleiing og rekvirering av prevensjonsmiddel.
    • Helseundersøkingar og vaksinasjon for barn frå dei er nyfødde til dei når skulealder.
    • Dersom du har barn med spesielle behov eller som er kronisk sjuke eller funksjonshemma, vil helsestasjonen samarbeide med anna helsepersonell for at barnet skal få det rette tilbodet.
    • Hjelp til god psykisk helse og førebygging av psykiske vanskar.
    Helsestasjonen har eit spesielt ansvar for å følgje med på barn og familiar i potensielt vanskelege livssituasjonar og vil sørgje for hjelp og oppfølging både til barn og foreldra deira.

    Målgruppe

    Gravide, barselkvinner, foreldre til nyfødde, barn i alderen 0-5 år. Barn og ungdomar opp til 20 år tilhøyrer også målgruppa for helsestasjonen, men som oftast gjennom skulehelsetenesta eller helsestasjon for ungdom. 

    Pris

    Tenesta er gratis.

    Brosjyrer

    Lovar og retningsliner

    Dette er ei lovpålagd teneste. Sjå blant anna

    Helse- og omsorgstenestelova § 3-1 og § 3-2
    Smittevernlova § 3-8
    Pasient- og brukarrettslova kapittel 7
    Forskrift om helsestasjons- og skolehelsetjenesten.

    Søknadsprosessen

    Rettleiing

    Når du har født, vil helsestasjonen ta kontakt med deg og avtale tid for anten heimebesøk eller oppfølging på helsestasjonen. Du vil få innkalling til vaksinasjonar og regelmessige kontrollar av barnet.

    Høve til å klage

    Dersom du meiner du ikkje får nødvendig hjelp eller er misnøgd med utføringa av tenesta, kan du sende ein klage til kommunen eller direkte til tenesteytaren. Forklar kva du er misnøgd med og kva for endringar du ønskjer.

    Du kan også klage til fylkesmannen i fylket ditt over uforsvarleg utføring av tenesta, utilstrekkeleg eller feil informasjon eller brot på teieplikta.

    Skulle det skje ei svært alvorleg hending i samband med tenesta kan du som pårørande eller pasient sende ei varsling direkte til Statens helsetilsyn på telefonnummer 474 86 882.

fyresdal.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke fyresdal.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk