Hopp til hovudinnhald Hopp til søk Hopp til bunntekst
  • Generelt

    Produksjonstilskott omfattar tilskottsordningane

    • Tilskott for husdyr
    • Driftstilskott til mjølkeproduksjon
    • Driftstilskott til spesialisert storfekjøttproduksjon
    • Tilskott for verneverdige husdyrrasar
    • Tilskott for dyr på beite
    • Areal- og kulturlandskapstilskott
    • Tilskott til økologisk landbruk (sjå eiga omtale for denne ordninga)

    Desse pristilskottsordningane blir handterte på same måte som produksjonstilkott, og du søkjer i same søknad:

    • Distriktstilskott for frukt, bær og veksthusgrønsaker og salat på friland
    • Distriktstilskott for matpotet dyrka i Nord-Noreg

    Denne velferdsordninga blir handtert på same måte som produksjonstilskott, og du søkjer i same søknad:

    • Tilskott til avløysing ved ferie og fritid (sjå eiga omtale for denne ordninga)

    Målgruppe

    Landbruksføretak

    Vilkår

    Landbruksføretaket driv vanleg jordbruksproduksjon, er registrert i Einingsregisteret, er registrert som meirverdiavgiftspliktig og kan levere årsoppgåve som landbruksføretak.

    Føretak som berre søkjer tilskott til birøkt, er unnateke frå kravet om å drive vanleg jordbruksproduksjon. Det er elles avgrensingar knytt til driftsfellesskap og eigarforhold.

    Lovar og retningsliner

    Jordlova §§ 3 og 18

    Søknadsprosessen

    Rettleiing


    Skjema

    Landbruksdirektoratet har gjort denne elektroniske tenesta tilgjengeleg i Altinn.

    Vedlegg


    Søknadsfrist

    Søknad om produksjonstilskot i jordbruket har to søknadsfristar i året.
    Tilskot til husdyr: Verksemd skal søkje både ved del 1 og del 2 av søknaden. Søknadsfristen for del 1 av søknaden er 15. mars, med teljedato 1. mars. Søknadsfristen ved del 2 av søknaden er 15. oktober med teljedato 1. oktober.
     
    Tilskot til arealproduksjon: Verksemd kan søkje frå 1. oktober, med søknadsfrist 15. oktober.
     
    Dyr på beite: Du kan søkje frå og med 1. oktober, og fram til søknadsfristen 15. oktober.
     
    Produksjon av frukt, bær, grønt og potet har søknadsfrist 15. oktober dersom produksjonen blir seld innan 15. oktober. For produkt som blir selde seinare enn 15. oktober er kan du etterregistrere varene innan 10. januar året etter.

    Behandling

    Kommunen skal innhente dei opplysningane som er nødvendige for å avgjere saka. Deretter blir det gjort eit vedtak. Til vanleg får du ei grunngjeving samstundes med vedtaket. Du får alltid ei grunngjeving dersom ein trur at du blir misnøgd med vedtaket. Dersom grunngjevinga ikkje følgjer med, kan du få ho ved å vende deg til kommunen før klagefristen for vedtaket går ut.

    Behandlingstid


    Høve til å klage

    Dersom du er misnøgd med vedtaket, kan du klage til kommunen innan ein frist på tre veker frå du tok imot det. Dette gjeld sjølv om du har fått melding om vedtaket frå Landbruksdirektoratet. Forklar kva du er misnøgd med og kvifor du meiner at vedtaket bør endrast. Dersom du treng rettleiing, kan du vende deg til kommunen. Dersom kommunen lèt vedtaket stå, blir saka send vidare til Fylkesmannen, som avgjer om klagen skal bli teken til følgje.

    Merknadar


fyresdal.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke fyresdal.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk